Forbes Georgia-ს მთავარი რედაქტორის, გუგა სულხანიშვილის ინფორმაციით, NDI-ს დირექტორის, ლორა ტორნტონის შვილებს არ მისცეს საქართველოს ვიზა. რის გამოც შესაძლოა საერთაშორისო ორგანიზაციის დირექტორს საქართველოს დატოვება მოუწიოს.

ლორა ტორნტონის მიერ სულხანიშვილისთვის მიწოდებული ინფორმაციის თანახმად, მიუხედავად იმისა რომ ვიზის მიღებისთვის ყველა პროცედურა ინსტრუქციების მიხედვით გაიარეს, დანიშნულ დღეს განუცხადეს, რომ დააგვიანდათ და ამ პროცედურების გასავლელად ონლაინ აპლიკაცია „არ ითვლება“.

„მიუხედავად იმისა, რომ მესმის სავიზო რეგულაციების მნიშვნელობა, მიმაჩნია, ეს პროცესები ძალიან დამაბნეველი და დამთრგუნველია, რადგანაც ყოველ ჯერზე ურთიერთგამომრიცხავ ინფორმაციას ვიღებთ. იმედი მაქვს, როგორმე დავალაგებთ ამას“- წერს ლორა ტორნტონი სულხანიშვილისთვის მიწერილ წერილში.

_{ნინო ზედგენიძე}