პარლამენტმა განგაშის ზარს უნდა შემოჰკრას, რომ ლარს უშველოს

პარლამენტმა განგაშის ზარს უნდა შემოჰკრას, რომ ლარს უშველოს - გოგორიშვილი

პოლიტიკა - 12:36, 20 Feb, 2015

1748

საპარლამენტო ოპოზიცია საქართველოს საკანონმდებლო ორგანოში ლარის კურსის ვარდნასთან დაკავშირებით მთავრობის ეკონომიკური გუნდის მოწვევას ითხოვს. რათა გაიმარტოს კონსულტაციები და ერთობლივად შემუშავდეს ქვეყნის კრიზისიდან გამოსვლის გეგმა.
„ნაციონალურმა მოძრაობა“ მთავრობას 36 პუნქტიან გეგმას სთავაზობს და აცხადებს რომ საქართველოს მოსახლეობის გაღარიბების წინააღმდეგ ერთობლივი ძალით უნდა მოხდეს მუშაობის დაწყება.

"პარლამენტმა განგაშის ზარს უნდა შემოჰკრას, რომ ლარს უშველოს, კონკრეტული გეგმა გვაქვს კრიზისიდან გამოსასვლელად. მმართველი კოალიცია თუ ფიქრობს ხალხზე და სურს პრობლემების მოგვარება, უნდა დაიწყოს კონსულტაციები."- განაცხადა უმცირესობის წევრმა ხათუნა გოგორიშვილმა.

უმრავლესობის წევრი ეკა ბესელია „ნაციონალური მოძრაობის“ ინიციატივას არ ეთანხმება და აცხადებს, რომ ლარის კრიზისიდან გამოსაყვანად მთავრობის ძალისხმევა ამ ეტაპზე საკმარისია:

„არ მგონია, რომ 36 პუნქტიანი ან 41 პუნქტიანი გეგმა იყოს ახლა წამალი, საჭიროა ქმედითი ზომების გატარება რასაც მთავრობა აკეთებს.“- განაცხადა ბესელიამ.

განსხვავებული მოსაზრება აქვს „ რესპუბლიკელ“ ლევან ბერძენიშვილს, მისი შეფასებით ეკონომიკური გუნდის პარლამენტში დაბარება გონივრულია. თუმცა ბერძენიშვილის აზრით უმჯობესი იქნება თუ ეკონომიკურ გუნდს თბილისში დაიბარებენ. „მდგომარეობა ისეთია, რომ ნებისმიერი პარლამენტარი ამას მხარს დაუჭერს“- აღნიშნა ბერძენიშვილმა.

ნოდარ ხადურის და გიორგი კვირიკაშვილის პარლამენტში დაბარებას ითხოვენ „თავისუფალი დემოკრატებვიც“ . ფრაქციამ საკანონმდებლო ორგანოს და ორივე უწყებას ოფიციალური წერილით მიმართა და აღნიშნული მოთხოვნა დააყენა.

ირაკლი ჩიქოვანის განცხადებით საზოგადოება და მთავრობა სხვადასხვა ქვეყანაში ცხოვრობენ, „თავისუფალ დემოკრატების“ თქმით აუცილებელია დეპუტატებმა მოისმინონ მთავრობისგან იმ ნაბიჯების შესახებ, რომლითაც ისინი ქვეყნის კრიზისიდან გამოყვანას გეგმავენ.

შეგახსენებთ, ეროვნული ბანკის მიერ დადგენილი ლარის ახალი კურსის მიხედვით 1 აშშ დოლარის ღირებულება დღეს 2.14732 ლარია, კომერციულ ბანკებსა და სავალუტო ჯიხურებში კი 1 დოლარის ღირებულება 2,22 ნიშნულზეა.

_{ნინო ზედგენიძე}