ფინანსთა მინისტრის მოადგილის ლაშა ხუციშვილის ინფორმაციით, 2008 წლის აგვიტომდე დარეგისტრირებულ სამშენებლო ობიექტებს დავალიანება 100-დან 200 მილიონ ლარამდე ჩამოეწერებათ.

მისი განმარტებით, ეს შეეხება 15 000-ზე მეტ ფიზიკურ პირს და 15-ზე მეტ კომპანიას. თუმცა კომპანიებს რომლებსაც შეღავათები დაუწესდებათ გარკვეული პირობების შესრულებაც მოუწევთ.

„მთავრობის გადაწყვეტილებით დღგ-სგან და K2 ტიპის მოსაკრებლისგან თავისუფლდება ის ობიექტები, რომლებზეც სამშენებლო ნებართვა გაცემულია 2008 წლის აგვისტომდე და დღემდე ძალაშია. თუმცა შეღავათები გარკვეული პირობებით გაიცემა. კერძოდ, მათ მომდევნო სამი წლის განმავლობაში ობიექტებზე უნდა გააგრძელონ მუშაობა და ამ სამი წლის განმავლობაში მშენებლობები უნდა დასრულდეს. კონკრეტულ კომპანიებს ვერ დავასახელებ. აქ არ არის ერთი კომპანია, საუბარია 15-ზე მეტ კომპანიაზე. მთავრობას უკვე მომზადებული აქვს შესაბამისი კანონპროექტი“, - განაცხადა ხუციშვილმა.

ნინი კაციტაძე