დედაქალაქის მთავრობაში გაცემულ პრემიებთან დაკავშირებით, გავრცელებულ ინფორმაციას თბილისის მერი დავით ნარმანია ეხმაურება.

მისი თქმით, ამ ინფორმაცის გავრცელებით, მერიამ აღნიშნულ საკითხთან დაკავშირებით არსებულ მანიპულირებას გასცა პასუხი.

„მათ მიერ აღებული შრომის ანაზღაურება და დანამატები ჯამში გაცილებით მეტია, ვიდრე ჩვენი მმართველობის პირობებში გაიცემა. ამით ჩვენ პასუხი გავეცით დაუსრულებელ მანიპულირებას და საზოგადოებას მივაწოდეთ ღიად და გამჭირვალედ ინფორმაცია იმის თაობაზე, თუ როგორი იყო თბილისის მერიაში დანამატების გაცემის სისტემა ადრე და როგორია დღეს“, - განაცხადა დავით ნარმანიამ

თბილისი მერიის ინფორმაციით, მერიის თანამშრომლების მიერ მიღებული დანამატებისა და პრემიების შესახებ სიმართლეს არ შეესაბამება. მერიის მიერ გავრცელებულ განცხადებაში ნათქვამია, რომ დედაქალაქის მთავრობამ 2014 წლის აგვისტოს მიიღო პრემიებზე უარის თქმის გადაწყვეტილება, რომელიც წლების განმავლობაში გაიცემოდა მერიის მაღალჩინოსნებზე.

„არ წყდება პოლიტიკური სპეკულაცია და მიზანმიმართულად ცრუ ინფორმაციის გავრცელება თბილისის მერიის მაღალჩინოსნების ხელფასებისა და დანამატების შესახებ. იმისათვის, რომ საზოგადოება არ შევიდეს შეცდომაში და, ამავდროულად, ჰქონდეს ინფორმაცია, რეალურად რა ანაზღაურებას იღებენ თბილისის მთავრობის წევრები, თბილისის მერია ავრცელებს ოფიციალურ მონაცემებს 2014 წლის 1 აგვისტოდან 2015 წლის 31 იანვრის ჩათვლით თბილისის მთავრობის წევრების მიერ მიღებული შემოსავლების შესახებ“, - განაცხადა ნარმანიამ.

ნინო დათაშვილი