საარჩევნო გარემოს გაუმჯობესებაზე მომუშავე ინტერპარტიული ჯგუფის წევრები საქართველოში აშშ-ს ელჩს საარჩევნო გარემოს გაუმჯობესებასთან დაკავშირებით მოსაზრებებს გაუზიარებენ.

შეხვედრაზე ერთ-ერთი განსახილველი საკითხი მაჟორიტარული არჩევნების გაუქმების მოთხოვნა იქნება. ასევე ინტერპარტიული ჯგუფის წევრები რიჩარდ ნორლანს იმ მოსაზრეებს გააცნობენ, რომელიც, მათი თქმით, საარჩევნო გარემოს უფრო გამჭირვალეს გახდის.

„გავაცნობთ იმ ფუნდამენტური რეფორმის პრინციპებს, რომელიც ამ ფორმატში შემუშავდა. ასევე ვიაუბრებთ იმ მიზეზებზე, თუ რატომ ახდენს მმართველი გუნდი საარჩევნო რეფორმის სრულ იგნორირებას. ვისაუბრებთ იმ შესაძლო პოლიტიკურ პრობლემებზეც, რომელიც ხელისუფლების მხრიდან ამგვარი პრობლემების იგნორირებამ შეიძლება გამოიწვიოს“, - განაცხადა „სამოქალაქო ალიანსი თავისუფლებისთვის“ თავმჯდომარემ ზურაბ ხარატიშვილმა.

ნინი კაციტაძე