თუ ლარი ჩამოგვეშალა, გვერდზე დაგვრჩება პარტიაც, ოცნებაც და დავბრუნდებით 90იან წლებს- ბაქრაძე

პოლიტიკა - 23:20, 19 Feb, 2015

3193

საპარლამენტო უმცირესობის ლიდერმა დავით ბაქრაძემ საქართველოს მთავრობას ლარის გაუფასურების წინააღმდეგ ქმედითი ნაბიჯების გადადგმისკენ მოუწოდა და მმართველ კოალიციასა და ოპოზიციას შორის კონსულტაციების გამართვის ინიციატივით გამოვიდა:

"მე ძალიან შეშფოთებულიო ვარ არამხოლოდ იმით, რომ ფიზიკურად ლარის კურსი ყოველდღიურად ზევით იწევს და ეს ნიშნავს დაკლებულ ხელფასებს, დაკლებულ პენსიებს, გაძვირებულ კრედიტებს, გაძვირებულ ცხოვრებას, ეს არის ერთი და ძალიან საშიში და ცუდი მხარე ამ პროცესის. მაგრამ მეორე ცუდი მხარე გახლავთ ის დამოკიდებულება, რომელსაც მთავრობა ამჟღავნებს ამ პროცესისი მიმართ, ჩვენ ვხედავთ, რომ მთავრობა ყველგან ეძებს დამნაშავეს, გარდა საკუთარი მუშაობისა, ცდილობს ყველაფერი უცხოეთში მიმდიანრე პროცესებს გადააბრალოს. ჩვენ ვხედავთ პარლამენტს, სადაც დღეს ვიმსჯელეთ უამრავ საკითხზე, მაგრამ არ გვისჯელია მთავარზე, რაც აწუხებს ჩვენს მოსახლეობას. ეს არის ის თემა, სადაც მე არასდროს და ჩვენ ჩვენი გუნდი არასდროს არ ვისაუბრებთ ნიშნის მოგებით, იმიტომ, რომ არ შეიძლება ნიშნის მოგებით ისაუბრო შენი ხალხის გაჭირვებაზე. ეს არის ის თემა სადაც ჩვენ ხელისუფლებას ვთავაზობთ გეგმას, იმ გეგმას, რომელიც დღეს მთავრობას არა აქვს საკუთარი არაკომპეტენტურობის გამო. ჩვენ ვთავაზობთ კონკრეტულ გეგმას, რა ნაბიჯები უნდა გადადგას საქართველომ ამისთვის.

მე მოვუწოდებ საქართველოს საპარლამენტო უმრავლესობას, ხვალ ქუთაისში გვაქვს პარლამენტის პლენარული სხოდმა. მე მზად ვარ ნებისმიერ წუთს, ხვალ, უმრავლესობის თანხხმობის შემთხვევაში, ერთად დავსხდეთ და ერთად გავიაროთ ეს გეგმა. როგორც პასუხისმგებლობის გრძნობის მქონდე დეპუტატებმა ვისაუბროთ არა აბასტრაქტულ თემებსა და ფეხბურთის თამაშზე, არამედ ვისაუბროთ იმაზე თუ რა გავუკეთოთ ჩვენს მოსახლეობას. ნებისმიერ წუთში თუ კი უმრავლესობა იქნება თანახმა მზად ვართ დავსხდეთ ყოველგვარი პარტიულობის დავიწყებით და ვისაუბროთ ამ გეგმაზე, დღეს მთავარია ის თუ რა ხდება ჩვენს ეკონომიკაში, იმიტომ რომ თუ ლარი ჩამოგვეშალა, გვერდზე დაგვრჩება პარტიაც, ოცნებაც და დავბრუნდებით 90იან წლებს. ვწუხვარ, რომ ხელისუფლებას არ შეუძლია და არ უნდა ეს რეალობა ბოლომდე გაიაზროს."-განაცხადა ბაქრაძემ.