,,...ჩნდება კითხვა, რომელი ქვეყნის ხელისუფლების პოზიციას აჟღერებს ბატონი აბაშიძე?“

,,...ჩნდება კითხვა, რომელი ქვეყნის ხელისუფლების პოზიციას აჟღერებს ბატონი აბაშიძე?“ - ნიკოლოზ ვაშაკიძე

პოლიტიკა - 22:10, 19 Feb, 2015

2540

საქართველოს პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ კი საქართველოს ნატოში გაწევრიანებასთან დაკავშირებით შემდეგი განცხადება გააკეთა: ,,ბრიუსელში, მოსკოვში და თბილისში კარგად იციან, რომ დღეს და ხვალ საქართველოს ალიანსში გაწევრიანება დღის წესრიგში არ დგას“.

ეს ეწინააღმდეგება ქვეყნის ოფიციალურ კურსს, რომელიც საქართელოს მოსახლეობამ პლებისციტზე დაადასტურა, - ასე აფასებს ,,ნიუპოსტთან“ კომენტარში საზოგადოება ,,ივერიას“ დამფუძნებელი, დიპლომატი ნიკოლოზ ვაშაკიძე.

,,გაკეთებულია საკმაოდ კონკრეტული შინაარსის უცნაური განცხადება , რომელიც ეწინააღმდეგება საქართველოს ხელისუფლების მიერ ოოფიციალურად დეკლარირებულ კურსს. ამ საკითხში აუცილებლად სერიოზული სიცხადე არის შესატანი. უნდა გააკეთოს შესაბამისი რეაგირება საგარეო საქმეთა და ევროპულ და ევროატლანტიკურ სტრუქტურებში ინტეგრაციის მინისტრებმა. მათ უნდა დაადასტურონ ან უარყონ ეს პოზიცია, რადგან ეს ეწინააღმდეგება ქვეყნის ოფიციალურ კურსს და საქართველოს მოსახლეობის არჩევანს, რომელიც შესაბამის პლებისციტზე დადასტურდა“ - აცხადებს ვაშაკიძე.

მისივე თქმით, აბაშიძემ პრაქტიკულად განაცხადა, რომ საქართველოს ნატოში ინტეგრაცია და ნატოს უფრო ღრმად შემოსვლა რეგიონში ეს არის საფრთხე რეგიონალური სტაბილურობის მიმართ.

,,გარდა ამისა მან თვითონ თქვა რომ მის ფორმატს ეს საკითხი არ ეხება, მაშინ რატომ აიღო მან ამისი თქმა საკუთარ თავზე? პრეზიდენტმა თავისი განცხადებით გარკვეულწილად დეზავიურება გაუკეთა მის ამ განცხადებას, შესაბამისად თუ საგარეო საქმეთა და ევროატლანტიკური ინტეგრაციის სამინისტროებმაც იგივე გააკეთეს, მაშინ ჩნდება კითხვა რომელი ქვეყნის ხელისუფლების პოზიციას აჟღერებს ბატონი აბაშიძე?“ - აცხადებს ნიკოლოზ ვაშაკიძე