ზურაბ აბაშიძის სკანდალურ განცხადებას, უკრაინაში მყოფი, ,,დემოკრატიული განვითარების ეროვნული ცენტრის" ხელმძღვანელი მუხრან ბურჭულაძე საქართველოს მთავრობისა და რუსეთის კონსესუსის გაშიფრულ გეგმად აფასებს.

მისი თქმით აბაშიძის განცხადება, საქართველოს მთავრობის მიერ, რუსეთისთვის მიცემული ის გარანტიაა, რომელიც საქართვეოლოს ევროატლანტიკურ კურს უარყოფს, და ირჩევს მომავალს ნატო-ს გარეშე.

„აბაშიძემ გააჟღერა პუტინისა და საქართველოს მთავრობის კონსესუსი - საქართველო ევროატლანტიკური მომავლის გარეშე. ვამბობდი რომ დადგებოდა დღე, როდესაც მთავრობას ამის აღიარება მოუწევდა, მხოლოდ დროის საკითხი იყო, რომ ხალხი დაჩაჩანაკებულიყო და შეჩვეოდა ქვეყანას მომავლის გარეშე. აბაშიძე კარასინის ფორმატი ესაა ქართველი ხალხის გაცემის დიპლომატიური მექანიზმი და ამიტომაც ის უნდა გაუქმდეს! ესეიგი არ ვტყუოდით, როდესაც ქვეყნის თავდაცვისუნარიანობის განზრახ შესუსტებაზე და ეროვნული უსაფრთხოების მექანიზმების განადგურებაზე ვსაუბრობდით. ახლა ხომ დარწმუნდა ყველა, რომ თავდაცვითი სისტემების საქართველოში განთავსებას და სამხედრო პოტენციალის ამაღლებას მთავრობა განგებ აფერხებს, ხომ გაეცანით რუსეთ-საქართველოს სამომავლო ერთობლივ გეგმებს. აბაშიძის პირით მთავრობამ პუტინს გარანტიები მისცა, რომ საქართველო ნატოში არ გაწევრიანდება,"- განაცხადა ,,დემოკრატიულიგანვითარების ეროვნული ცენტრის" ხელმძღვანელმა.

როგორც ბურჭულაძე მიიჩნევს, საქართველოს მთავრობამ, თავისი პოზიციით და დღვანდელი განცხადებებით, ევროატლანტიკური კურსთან ერთად სახელმწიფოებრიობაც უარყო.

"რაა ნატოში ინტეგრაცია ქვეყნის თავდაცვისუნარიანობის განმტკიცების გარეშე, როგორ ესახება „ბრძენ კაცს“ ქვეყნის უსაფრთხოება თავდაცვითი სისტემების ჩვენს ტერიტორიაზე განთავსების გარეშე? მთავრომაბ ევროატლანტიკური კურსის უარყოფით, ჩვენი სახელმწიფოებრიობაც უარყო. თურმე არ გადადგამენ ისეთ ნაბიჯს, რომელიც რუსეთის აგრესიისგან დაგვიცავს, ხოლო ნატოში ინტეგრაციით თურმე რეგიონს საფრთხე შეექმნებოდა. ესაა პუტინის დაზეპირებული და გაცვეთილი ფრაზები.

პირდაპირ გეტყვით, თქვენ ხართ ქვეყნის გამყიდველები, ქვეყნის სადავეებთან თქვენი თითოეული დღე საფრთხეს უქმნის ჩვენს ხალხს და სახელმწიფოებრიობას. მთავრობა უნდა გადადგეს და ამას ალტერნატივა არ აქვს! "- აცხადებს მუხრან ბურჭულაძე.