ზურაბ აბაშიძეს როგორც სჩანს საგარეო ხედვების გაშიფვრის კომიკური ფუნქციაც დაეკისრა

ზურაბ აბაშიძეს როგორც სჩანს საგარეო ხედვების გაშიფვრის კომიკური ფუნქციაც დაეკისრა - ბაჩუკი ქარდავა

პოლიტიკა - 13:43, 19 Feb, 2015

3186

,,ლავროვთან ერთხმაში“ საუბარს უწოდებს ,,ეროვნულ-დემოკრატიული პარტიის“ ლიდერი ბაჩუკი ქარდავა რუსეთთან მოლაპარაკების საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის იმ განცხადებას, რომ ,,მოსკოვსა და თბილისში კარგად იციან, რომ დღეს და ხვალ საქართველოს ალიანსში გაწევრიანება დღის წესრიგში არ დგას“.

,,რაც უფრო თვალსაჩინო ხდება დასავლეთსა და რუსეთს შორის დაპირისპრება, რაც ბავშვმაც კი იცის, რომ რუსეთის გარდაუვალი კრახით დასრულდება, საქართველოს ხელისუფლების საგარეო მისწრაფებები სულ უფრო და უფრო ჩრდილოეთისთვის მისაღები ხდება. როგორც სჩანს, პრემიერის სპეციალურ წარმომადგენლს რუსეთთან მოლაპარაკების საკითხებში დამატებითი და ცოტა კომიკური ფუნქციაც დაეკისრა, ანუ ხელისუფლების საგარეო ხედვების ეტაპობრივი გაშიფვრა და შემდგომი ინსტრუქტაჟი დაინტერესებულთათვის. მართალია ქაღალდზე საქართველო ისწრაფვის ნატოსკენ მაგრამ, პრაქტიკაში ეს ასე არ არის - აცხადებს აბაშიძე, ერთხმაში ლავროვთან. აქედან გამომდინარე ვერც ერთი სახელმწიფო უწყება, როგორც არ უნდა ეცადოს, ვერ გააქარწყლებს აბაშიძის განმარტემას, თუ ეს მინიმუმ პრემიერმა ან კიდევ უფრო ,,ზემოთ" არ განმარტეს... თორემ ჩვენი თავდაცვის მინისტრი ისეთი თავგამოდებული ამტკიცებს, რომ რუსეთს სანერვიულო არაფერი აქვსო... რამე უნებურად არ წამოცდეს“ - აცხადებს ბაჩუკი ქარდავა.