აჭარის უმაღლესი საბჭოს დეპუტატი მედეა ვასაძე საბჭოს თავმჯდომარის მოადგილეს დავით ბაციკაძეს მუქარაში ადანაშაულებს.

როგორც ვასაძე განმარტავს, ბაციკაძე იმ ადამიანებს ემუქრება და აშანტაჟებს, ვინც მის გადაყენებას ემხრობა.

"თქვენ იცით, რომ მე გახლავართ ერთადერთი ინვალიდი შვილის დედა და მინდა განვაცხადო საჯაროდ-ერთი თმის ბეწვი რომ ჩამოუვარდეს ჩემი ოჯახის რომელიმე წევრს, ძალიან ცუდი პროცესები დაიწყება რეგიონში. ეს იყო გაჭრილი გინება და შანტაჟი. უმრავლესობის მამამაკაცებს არ ჰქონდა ამაზე რეაგირება. ბაციკაძე ცოტა ხანში მაგათ ოჯახის ქალებს მიადგება. ქალბატონი სვეტა სამი დღეა არის საშინელი ზეწოლის ქვეშ. ფიზიკური და ფსიქოლოგიური ზეწოლის ქვეშ", - განაცხადა მედეა ვასაძემ.

ბრალდებებს უარყოფს ბაციკაძე და ვასაძეს პროვოკაციაში ადანაშაულებს.

ხვალიდნელ სხდომაზე უნდა გადაწყდეს, ვინ დაუჭერს მხარს აჭარის უმაღლესი საბჭოს თავმჯდომარის მოადგილის დავით ბაციკაძის გადაყენებას.