"საქართველოს რეფორმების ასოციაციის" საბჭოს თავმჯდომარე, ელენე ხოშტარია სოციალურ ქსელში პრემიერის სპეციალური წარმომადგენლის ზურაბ აბაშიძის განცხადებას ეხმაურება, იმასთან დაკავშირებით, რომ საქართველოს ალიანსთან თანამშრომლობა არ არის მიმართული იმ მიზნისკენ, რომ ქვეყანაში ნატო-ს სამხედრო ინფრასტრუქტურა განლაგდეს.

"ეს სახელმწიფო პოზიციაა?

მორჩით მაშინ პროდასავლურობაზე საუბარს და გაგვაგებინეთ რა გინდათ, საით მიგყავთ ქვეყანა.

ინფრასტრუქტურაც უნდა განლაგდეს, თან უახლოეს თვეებში, წევრებიც უნდა გავხდეთ და რაც მეტი ნატო-ს სამხედრო იქნება აქ მით უფრო უსაფრთხოდ ვიქნებით."- წერს ელენე ხოშტარია