სახელმწიფო აუდიტის სამსახური მერიის საქალაქო სამსახურების შემოწმებას გეგმავს.

უწყების ინფორმაციით, აღნიშნულ სამსახურში გარკვეული დარღვევებია გამოვლენილი, თუმცა დეტალებზე საუბრისგან ამ ეტაპზე თავს იკავებენ.

„ვაპირებთ, რომ მერიის მთელი რიგი სამსახურები შევამოწმოთ. როგორც იცით, საზოგადოებრივი ინტერესი მერიასთან მიმართებაში მაღალია. ჩვენც გვაქვს გარკვეული ინფორმაციები მთელ რიგ დარღვევებთან მიმართებაში. ამიტომ ჩვენ ამ მიმართულებით ყურადღებას გავამახვილებთ და შემდგომ რეაგირებასაც განვახორციელებთ“, - განაცხადა ლაშა თორდიამ.

მისივე ინფორმაციით, აუდიტის სამსახური რამდენიმე სამთავრობო უწყებასაც ამოწმებს.

„შესულები ვართ დევნილთა სამინისტროში, სასჯელაღსრულების სისტემაში. ახლო მომავალში სავარაუდოდ, დევნილთა სამინისტროს შემოწმება დასრულდება“, - განაცხადა ლაშა თორდიამ.