„ნაციონალური მოძრაობის“ წევრი ირმა ნადირაშვილი ხელისუფლებას მოუწოდებს, „თავგასულ ჩინოვნიკებს“ მიხედონ.

პლენარულ სესიაზე ნადირაშვილმა ოზურგეთის მუნიციპალიტეტის გამგებლის ძველი და ახალი ავტომობილის ფოტოები წარმოადგინა. მისი თქმით, ჩინოვნიკები მხოლოდ პირად კომფორტზე ზრუნავენ.

„მინდა წარმოგიდგინოთ ოზურგეთის გამგებლის ახალი მანქანა. მას „ემელის“ ჯიპი ჰყავდა, მაგრამ, გადაწყვიტა რომ ახალი "ტოიოტა კრუიზერი" ეყიდა და რომ არავის შეეშალოს ვინ არის, სპეციალური ნომერიც აიღო – ოზურგეთის მუნიციპალიტეტის გამგეობის გამგებელი. მე მოგიწოდებთ, ასეთ თავგასულ ჩინოვნიკებს მიხედოთ, თორემ თქვენი დღეები რომ ნამდვილად დათვლილია“, - მიმართა ნადირაშვილმა ოპონენტებს.