ტურიზმის ეროვნული ადმინისტრაციის ხელმძღვანელმა, გიორგი ჩოგოვაძე, ჟურნალისტებთან საუბრისას განაცხადა, რომ ის ფაქტორები, რომლებიც საქართველოში ტურისტების რაოდენობაზე უარყოფითად მოქმედებს, ჯერჯერობით ისევ ძალაშია.

ჩოგოვაძემ ასევე აღნიშნა, რომ მის უწყებაში საქართველოს ტურისტული პოპულარიზაციისთვის აქტიურად მუშაობენ.

"პროგნოზირება ჯერ გვიჭირს, რადგან ის ძირითადი ფაქტორები, რომლებიც მოქმედებდა ტურისტების რაოდენობაზე, სამწუხაროდ, ჯერჯერობით, ისე ძალაშია. იგულისხმება რეგიონში რთული ეკონომიკური და პოლიტიკური სიტუაცია, განსაკუთრებით რუსეთ-უკრაინასთან მიმართებაში. ჩვენ დაველოდებით ამ ციფრებს, თუმცა აქტიურად ვმუშაობთ იმისთვის, რომ მეტი პოპულარიზაცია გავუკეთოთ საქართველოს ტურისტულ პოტენციალს ამა თუ იმ ბაზარზე", - განაცხადა ჩოგოვაძემ.