ლავროვის უწყება საქართველოს სპეკულაციებში და რევანშისტულ განწყობაში ადანაშაულებს

პოლიტიკა - 11:58, 18 Feb, 2015

2582

რუსეთის საგარეო უწყება 17-19 თებერვალს მოსკოვში ე.წ სამხრეთ ოსეთის საგარეო საქმეთა მინისტრის დავით სანაკოევის ვიზიტს ეხმაურება.

უწყების ინფორმაციით 18 თებერვალს სანაკოევის და ლავროვის შეხვედრაზე დაგეგმილია ორ ქვეყანას შორის მეგობრული ურთიერთობების შემდგომი განვითარებისა და სრულმასშტაბიანი სახელმწიფოთაშორისო თანამშრომლობის საკითხების განხილვა. ასევე საუბარი შეეხება საგარეო ურთიერთობების განმტკიცების საკითხსაც, რომელიც 2009 წლის 20 იანვარს საგარეო საქმეთა მინისტრების მიერ ხელმოწერილ ურთიერთანამშრომლობის მემორანდუმს ეფუძნება.

ასევე, ჟენევის დისკუსიის თემატიკაში შედგება შეხედულებების გაცვლა აქტუალურ საერთაშორისო პრობლემებთან დაკავშირებით, რომელიც კავკასიაში სტაბილურობისა და უსაფრთხოების საკითებს ეხება და რომელშიც სამხრეთ ოსეთი თანაბარუფლებიანი მონაწილე იქნება.

ვიზიტის ფარგლებში დაგეგმილია სახელმწიფო საზღვრის შესახებ ხელშეკრულების ხელმოწერა.

„ეს საქართველოს მხარეს ნაწილობრივ მაინც გაუფანტავს ეჭვს იმის თაობაზე, რომ მოსალოდნელია სამხრეთ ოსეთს „ანექსია“, „შთანთქმა“ და „შეერთება.“ ასეთი სპეკულაციების მიზანი - სამხრეთ კავკვასიაში რუსეთის პოლიტიკის დისკრედიტაცია, ახალგაზრდა რესპუბლიკებთან თანამშრომლობის არსის დამახინჯებაა. მიუხედავად ამისა, რუსეთის მხრიდან სამხრეთ ოსეთსა და აფხაზეთთან იყო და დარჩება ურთიერთპატივისცემასა და თანასწორობაზე დაფუძნებული მეგობრულ-პარტნიორული ურთიერთობები.“- აღნიშნულია რუსეთის საგარეო საქმეთა სამინისტროს განცხადებაში.

ლავროვის უწყება აღნიშნულ საკითხზე ოფიციალურ თბილისთან დაკავშირებითაც წერს:

„თბილისში რევანშისტული განწყობა გრძელდება, რისი მიზეზიც უსაფრთხოების სფეროში განსაკუთრებული თანამშრომლობის აქტუალურობაა. ორ ქვეყანას შორის დადებული ხელშეკრულების მიხედვით, სამხრეთ ოსეთის ტერიტორიაზე განლაგებული რუსული სამხედრო ბაზა და ჩვენი მესაზღვრეები, საქართველოსთან არსებულ რესპუბლიკის საზღვარს იცავენ.“- -ნათქვამია განცხადებაში.