თბილისში მყოფი აშშ-ის სახელმწიფო მდივნის თანაშემწე „თავისუფალ დემოკრატებს“ ხვდება. როგორც შეხვედრის დაწყებამდე ირაკლი ალასანიამ და მაია ფანჯიკიძემ განაცხადეს, ვიქტორია ნულანდთან ქვეყნის საგარეო ურთიერთობებზე და რუსეთთან მიმართებით ხელისუფლების პოლიტიკაზე ისაუბრებენ. ყურადღება გამახილდება აბაშიძე-კარასინის ფორმატზეც, ასევე ქვეყნის შიდა პოლიტიკურ საკითხებზე.

„ვისაუბრებ საგარეო და უსაფრთხოების პოლიტიკაზე და იმ პრიორიტეტებზე, რომელიც ქვეყანას აქვს და როგორ სრულდება ეს პრიორიტეტები. რა თქმა უნდა ეს იქნება კონკრეტული საუბარი რადგან საქართველოს აქვს კონკრეტული ვალდებულებები ევროკავშირის და ნატოს მიმართ“, - განაცხადა ფანჯიკიძემ.