საქართველოს ექს-პრეზიდენტის მიხეილ სააკაშვილი გარდაცვლილი პრემიერ-მინისტრის საქმესთან დაკავშირებით ბოლო დროს აღმოჩენილ გარემოებებს ეხმაურება და აცხადებს, რომ ზურაბ ჟვანიას პირადი ცხოვრება მისი ინტერესის საგანი არ ყოფილა.

ამის შესახებ სააკაშვილმა გადაცემა „არჩევანში“ ისაუბრა.

„ზურა დაიღუპა გაზის მოწამვლით და მაშინ გაზის მოწამვლით 250-300 ადამიანი იღუპებოდა თვეში. ამბობენ, რომ პრემიერს ეს როგორ დაემართაო. ის ძალიან ჩვეულებრივი ცხოვრებით ცხოვრობდა და არ ჰქონდა დიდი აპარტამენტები. ზუსტად ესეთი „კარმა“ ეყენა დედაჩემს სახლში და მაშინვე დავურეკე სასწრაფოდ გამოცვალე-თქო. მაშინ ყველა ესეთ პირობებში ცხოვრობდა. ამას არ ჰქონდა საქმე მის პირად ცხოვრებასთან. მე მისი პირადი ცხოვრება არ მაინტერესებდა. საერთოდ ეს თემა მაღიზიანებს. ჩემს პირად ცხოვრებაზეც იყო ასეთი თავდასხმები. ბოლო მიტინგი ასლან აბაშიძემ საკრებულოსთან მომიწყო - „ძირს ცისფერი სააკაშვილი“. ამ თემებზე საუბარზე ალერგია მაქვს. ახლაც არ აქვს ზურას პირად ცხოვრებას მნიშვნელობა.“ - აცხადებს სააკაშვილი.