საქართველოს სოფლის მეურნეობის პოტენციალით მსოფლიოში ცნობილი ავსტრიული კომპანია „ვიტესაკი“ დაინტერესდა.

ამის შესახებ კომპანიის ხელმძღვანელმა პეტერ ვიტესაკმა ავსტრიულ გამოცემა WirtschaftsBlatt/Karnten”-თან საუბრისას განაცხადა.

„საქართველო ჩვენი კომპანიისთვის აღმოსავლეთ ევროპაში შეიძლება ყველაზე იმედისმომცემი ბაზარი იყოს“ - აცხადებს პეტერ ვიტასეკი, კომპანია „ვიტასეკის“ (Witasek Pflanzenschutz GmbH) ხელმძღვანელი.

იგი განმარტავს, რომ სოფლის მეურნეობის იმ პერსპექტივებსა და პოტენციალს, რაც საქართველოს გააჩნია, განსაკუთრებით მეღვინეობასა და ენოლოგიაში „ვიტასეკისთვის“ გადამწყვეტი მნიშვნელობა აქვს. რადგან კომპანია მცენარეთა დაცვისთვის ქიმიურ ნივთიერებებზე უარს ამბობს და შხამ-ქიმიკატებს ეკოლოგიურად სუფთა, ბუნებრივი პროდუქტით ანაცვლებს, რაც ხელს უწყობს უფრო ბუნებრივი, უხვი და ჯანსაღი პროდუქციის წარმოებას. მცენარეთა ეკოლოგიური დაცვა ასევე აჯანსაღებს ნიადაგს და გამორიცხავს სამომავლოდ მისი ნაყოფიერების ხარისხის გაფუჭებას.

„ვიტესაკი“ მცენარეთა დაცვის პროფილით მომუშავე კომპანიებს შორის მსოფლიოში ერთ-ერთი უმსხვილესია. იგი მთელს ევროპას ფარავს. კომპანიის საქმიანობის არეალი გადაშლილია პორტუგალიიდან საქართველომდე და ბალტიისპირეთიდან თურქეთამდე.