ექსპერტი გია ხუხაშვილი, უკრაინაში საქართველოს ყოფილი მაღალჩინოსნების დანიშვნებს გამოეხმაურა.

მისი აზრით ეს ყოველივე ექსპერიმენტის ნაწილია და პროცესები გარედან იმართება.

„უკრაინას დღეს ყავს თავისი კურატორები, რომლებიც საგარეო პოლიტიკას პირდაპირ კარნახობენ. არსებობს საერთაშორისო ინტერეს-ჯგუფები ერთ-ერთ ქვეყანაში, რომელსაც კოლმეურნეობის თავმჯდომარესავით არ დავასახელებ. ეს არის ახალი ექსპერიმენტი, ახალი ტექნოლოგიით როგორ შეიძლება ქვეყნის მართვა გარედან?! ამ ყველაფრით ვიღაც თამაშობს, ამ დროს ათასობით ადამიანი იღუპება, ასე ცინიკურადაა სამყარო მოწყობილი, ჩვენ ვერაფერს შევცვლით“, - განაცხადა ხუხაშვილმა "ქრონიკასთან" საუბარში.

ხუხაშვილის თქმით, უცნაური და უადგილო იყო თავად უკრაინის ელჩის კომენტარები, კონკრეტულად კი, უდანაშაულობის პრეზუმფციასთან დაკავშირებით გაკეთებული განცხადება.

„არსებობს ორ ქვეყანას შორის ხელშეკრულება, მათ შორის, სამართლებრივ საკითხებზე თანამშრომობის შესახებ. მეორე ქვეყნიდან კითხვის ნიშნის ქვეშ დაყენება ნებისმიერი სამართლებრივი პროცესისა, რბილად რომ ვთქვათ, მეგობრული ნაბიჯი არ არის“, - აღნიშნა გია ხუხაშვილმა