დატოვებს თუ არა უგულავა სასჯელაღსრულებას, ორ დღეში გაირკვევა

პოლიტიკა - 18:09, 16 Feb, 2015

1951

დღეს თბილისის ყოფილი მერის, გიგი უგულავას სასამართლო პროცესი გაიმართა. მოსამართლემ სხდომა ისე დაასრულა რომ გადაწყვეტილება არ მიუღია. როგორც ცნობილია, მოსამართლე გადაწყვეტილებას 18 თებერვალს მიიღებს.

თბილისის ყოფილი მერი სასამართლო პროცესზე სიტყვით გამოვიდა და განაცხადა, რომ იმ შემთხვევაში თუ მოსამართლე მისი გათავისუფლების გადაწყვეტილებას მიიღებს ეს არ იქნება გრძელვადიანი, რადგან პროკურატურა მას ახალ ბრალს წაუყენებს.

"2 დღე, 3 დღე... მაქვს 2 თვე და ხელისუფლება კვლავ შეეცდება დამაბრუნოს ისევ ციხეში. ეს მოხდება ახალი ბრალის წარდგენით. სადაც 8 ბრალი გამოიგონეს, მეცხრესაც გამოიგონებენ, არ გაუჭირდებათ. გადაწყვეტილება, რასაც დღეს თქვენ მიიღებთ, იქნება მოკლევადიანი. ამიტიმაც ვფიქრობდი, პროკურატურიდან მაღალ სტანდარტს არ ველი," - განაცხადა უგულავამ.მისივე თქმით, ის, რომ ის დავრჩა და არ წავიდა არსად, ნიშნავდა იმას, რომ რეპუტაციისა და მისი სიმართლის დაცვა სურდა. უგულავა განმარტავს, რომ არსებობს 2 ვარიანტი: 1 - ციხიდან გავა და მალე დაბრუნდება და 2 - დარჩება და მის მიმართ გამოიტანენ განაჩენს.

უგულავა აცხადებს, რომ ერთადერთი მიზეზი რის გამოც მას ცოტა ხნით მაინც თავისუფლებაზე ყოფნა სურს არის ის, რომ აუხსნას საკუთარ შვილებს მომხდარის მიზეზები.