საპარლამენტო უმრავლესობის ლიდერი დავით საგანელიძე უკრაინის ელჩის საგარეო უწყებაში დაბარებას მიესალმება. საგანელიძის თქმით, მას იმედი ქონდა , რომ სიტუაცია დალაგდებოდა, თუმცა მისი ოპტიმიზმი მცირდება. საგანელიძისთვის მიუღებელია ელჩის პოზიციას იმასთან დაკავშირებით, რომ დაცული უნდა იყოს მიხეილ სააკაშვილის უდანაშაულობის პრეზუმფცია.

„ძალიან ვწუხვარ, რომ ბატონი ელჩი არ აკეთებს სწორ ანალიზს, იმ მხრივ რომ უდანაშაულობის პრეზუმფცია არის ერთი, მაგრამ კითხვებზე პასუხის გაცემის ვალდებულება გააჩნია ყველას. მითუმეტეს ყოფილ პრეზიდენტს, თუ ყოფილ თანამდებობის პირებს, როცა არსებობს სერიოზული კითხვები, აღძრულია საქმე, გამოტანილია დაუსწრებლად, როცა არ ჩამოდის, პასუხს არ სცემს და იგნორირებას უკეთებს სამართალდამცავ ორგანოებს, რომელ უდანაშაულობის პრეზუმფციაზეა საუბარი.“- აცხადებს დავით საგანელიძე.