,,სანამ მოვიდოდი, რუსეთიდან დარეკეს“ - საქართველოში უკრაინის ელჩი მოსკოვმა გააფრთხილა

პოლიტიკა - 15:12, 16 Feb, 2015

8217

საქართველოს საგარეო საქმეთა სამინისტროში მისულმა უკრინის ელჩმა ვასილ ციბენკომ განაცხადა, რომ სანამ სამინისტროში მივიდოდა მასთან რუსეთიდან დარეკეს და უთხრეს რომ საქართველოსა და უკრაინას შორის ურთიერთობები გაფუჭდებოდა. ელჩმა ასევე განაცხადა, რომ მისი პასუხი რუსეთიდან განხორციელებულ ზარზე მოკლე და კონკრეტული იყო - „ვერ ეღირსებით“.
შეხვედრის შემდეგ ელჩმა ჟურნალისტებს განუცხადა, რომ საქართველოს ხელისუფლებას უკრაინაში 20-21 თებერვლის ღონისძიებაზე დასასწრები მოსაწვევი გადასცა, რომელიც კიევში დაღუპულ გმირთა პატივსაცემად გაიმართება. ციბენკომ ასევე განაცხადა, რომ თუ ვინმე მისი დაბარებით საგარეო უწყებაში რამე ცუდს ელოდა ის ამას ვერ მოესწრება.

უკრაინის ელჩის განცხადებით, გარდა ღონისძიებისა, კიევში ასევე გაიმართა დონორების კონფერენცია, სადაც საქართველოს გამოცდილების გაზიარება უკრაინული მხარისთვის მნიშვნელოვანი იქნება.

უკრინის ელჩმა საქართველოს მთავრობას და ქართველ ხლხს მადლობა გადაუხადა, განსაკუთრებული მადლიერება კი პრეზიდენტის მიმართ გამოხატა.

ციბენკომ უკრაინაში ირაკლი ღარიბაშვილის დაგეგმილ ვიზიტზეც ისაუბრა და აღნიშნა, რომ ეს ვიზიტი მზადდება და აქტიური მუშაობა მიდის ამ მიმართულებით.