ივანიშვილის პოლიტიკით უფსკრულისკენ მივექანებით - ბოკერიას მორიგი რჩევა ყოფილ პრემიერს და მის გუნდს

პოლიტიკა - 13:55, 16 Feb, 2015

1543

"ერთიანი ნაციონალური მოძრაობის" საერთაშორისო მდივანი გიგა ბოკერია, ყოფილი პრემიერ-მინისტრის ბიძინა ივანიშვილის ბრალდებებს უპასუხა, იმასთან დაკავშირებით, რომ "ნაციონალური მოძრაობა" ქვეყნის წინსვლას უშლის ხელს და ქვეყანა არეულობისკენ მიჰყავთ:

"სამწუხაროდ, არეულობისკენ, ინსტიტუტების მოშლისკენ, კრიმინალის ზრდისკენ და ეკონომიკის ჩამოშლისკენ საქმე ივანიშვილს და მის გუნდს მიჰყავს. ივანიშვილმა, წინა გამოსვლაში ლართან დაკავშირებით, შეურაცხყოფის საკუთარი რეკორდები მოხსნა, როდესაც ხალხს დააბრალა ეკონომიკური პრობლემები და არა საკუთარ გუნდს. ეხლა თითქოს შეეცადა, რომ რაღაცნაირად ეს შეეკოწიწებინა, მაგრამ ისევ მრავალი სისულელე თქვა. ერთადერთი, რაც მან აღიარა, ვიზებზე შეცდომა მოგვივიდაო. ამ საკითხზე ჩვენ მათ თვეების წინ ვაფრთხილებდით. ეხლაც ვეუბნებით, რომ საზოგადოებას ჩვენი გეგმა წარვუდგინეთ, რომლის ნაწილია ამ სავიზო რეჟიმის აღდგენა, მათ შორის ევროკავშირის და შტატების მოქალაქეებთან და ასევე ამ გეგმის ნაწილია უსწრაფესად გადასახადების დაწევა. საშემოსავლოსი, რომელიც ხალხს ტვირთს შეუმსუბუქებს, დღგ-სი, რომელიც მეწარმეებს შეუმსუბუქებს ტვირთს და აქციზის, რომელიც მთლიანად ეკონომიკაზე იმოქმედებს დადებითად. ამის გარეშე, ჩვენ ივანიშვილის პოლიტიკის შედეგად მივექანებით უფსკრულისკენ."- აცხადებს გიგა ბოკერია.