ექსკლუზივი: "ოკუპანტებმა" ოჩამჩირის რაიონიდან ოთხი ადამიანი გაიტაცეს

პოლიტიკა - 13:03, 16 Feb, 2015

2201

"ნიუპოსტის" მიერ მოპოვებული ინფორმაციით გუშინ, დაახლოებით ღამის სამ საათზე აფხაზეთში, ოჩამჩირის რაონის, სოფელ „მერკუალდან“ ოკუპანტებმა ოთხი ადამიანი გაიტაცეს.
გატაცებულების ოჯახის წევრებს დღეს შუამავლის მეშვებით გადასცეს მოთხოვნა, რომ თითოეული დაკავებულის გათავისუფლების სანაცვლოდ 20 ათასი დოლარის გადახდა არის საჭირო. „ნიუპოოსტის“ ინფორმაციით, „ოკუპანტები“ დაკავებულებს ბრალდებას უყენებენ, ხოლო ოჯახებს პირდებიან, რომ თანხის გადახდის შემთხვევაში საქმის წარმოებას შეწყვეტენ.

დაკავებულების ოჯახის წევრები აცხადებენ, რომ ბრალდება უსაფუძვლოა და მათ არ ჩაუდენიათ არანაირი უკანონო ქმედება. დაკავებულები მცირე ბიზნესს ეწევიან, მოჰყავთ მანდარინი სხვადასხვა სოფელში და გააჩნიათ მცირე შემოსავალი. ოკუპანტებმა შექმნეს საქმე თითქოს ისინი კრიმინალურ საქმიანობას ეწევიან და ამ საშუალებით ცდილობენ ფულის ამოღებას.

ოჯახებს აცნობეს, რომ დაკავებულები სოხუმში არიან გადაყვანილები, მაგრამ მათი პატიმრობაში ყოფნა ოფიციალურად არცერთ საპატიმროში არ ფიქსირდება. დაკავებულების ოჯახის წევრები საერთაშორისო ორგანიზაციების ყურადღებას და დახმარებას ითხოვენ.