ეს დანიშვნები თუ ტრაგიკულ საკითხად მიაჩნდათ, უკრაინელებთან კომუნიკაცია უნდა ქონოდათ- ფანჯიკიძე

პოლიტიკა - 12:20, 16 Feb, 2015

1310

ყოფილი ხელისუფლების წევრების უკრაინაში მაღალ თანამდებობაზე დანიშვნის გამო, საქართველოს საგარეო უწყების მიერ უკრაინის ელჩის დაბარებას, ყოფილი საგარეო საქმეთა მინისტრი მაია ფანჯიკიძე გამოეხმაურა. ფანჯიკიძის თქმით, საქართველოს ხელისუფლებას უფრო აქტიურად უნდა ემუშავა უკრაინასთან და პრემიერის ვიზიტიც უნდა განხორციელებულიყო.

„თუ ეს დანიშვნები ასე მნიშვნელოვან და ტრაგიკულ საკითხად მიაჩნდათ, ახალ ხელმძღვანელობას ქონდა ძალიან დიდი დრო იმისათის, რომ ამ საკითხზე უკრაინელ კოლეგებთან კომუნიკაცია ქონოდა, შესაბამისად კომუნიკაცია ქონოდათ უკრაინის ელჩთანაც, რომელიც დღეს დაიბარეს, თუმცა ახლა ცდილობენ, განაცხადონ რომ ეს დაბარება კი არა, შეხვედრაა.

სამწუხაროდ იმ განცხადებებმა, რომელიც გაკეთდა პრემიერ-მინისტრიდან დაწყებული , მინისტრების და დეპუტატების ჩათვლით, არავითარ შემთხვევაში არ იქონია კარგი გავლენა ორ ქვეყანას შორის ურთიერთობაზე. მე ვფიქრობ, რომ ამისი გამოხატულება ისიც არის, რომ ვერა და ვერ შედგა პრემიერ-მინისტრის ვიზიტი კიევში, რომელიც ჯერ კიდევ დეკემბერში იყო დაგეგმილი“- განაცხადა მაია ფანჯიკიძემ