სამი ტაძრის გაქურდვა ერთ ღამეში - მოპარულია ხატები და შეწირული თანხა

პოლიტიკა - 12:20, 16 Feb, 2015

5315

წუხელს ღამით ლანჩხუთში ივერიის ღვთისმშობლის, წმინდა პანტელეიმონისა და ასიათასი მოწამის სახელობის ტაძრები გაძარცვეს. ამის შესახებ ,ნიუპოსტს“ მამა გიორგიმ ( ტუღუშიმ) განუცხადა.
მამაოს თქმით, წაღებულია ხატები, ბეჭდები, სასანთლეები და მცირე თანხა, რომელიც შემოწირულობების ყუთში ინახებოდა.
მამა გიორგის თქმით, ასიათასი მოწამის სახელობის ტაძრიდან, რომელიც ლაშისღელეში მდებარეობს, წაღებულია ასევე გასაღებები, რის გამოც, მამაოს თქმით დილიდან დაიწყეს ტაძარში შესასვლელ კარებზე ახალი საკეტების დამონტაჟება.
მამა საბას (ჟღენტის) თქმით, შუხუთის ეკლესია, დღეს დილით, ტაძარში მისვლის დროს გაიგო. რომ ტაძრის შესასვლელთან მდებარე სასანათლეა გაქურდული, სადაც ინახებოდა ხატები, სანთლები და გარკვეული რაოდენობის თანხა.
რაც შეეხება აგარაკის, ივერიის ღვთისმშობლის სახელობის ტაძრის წინამძღვარს, მამა მირიან ფირცხალაიშვილს, მომხდართან დაკავშიებით ინფორმაცია არა აქვს: 'ურეკში ვარ, წირვა ჩავატარე და ლაცუთში ახლა მივდივარ, არაფერი არ ვიცი, რამე მოხდა თუ არა".
ტაძრების გაქურდვის ფაქტის შესახებ, მუნიციპალიტეტის ადგილობრივ გამგეობაში არაფერი იციან. 3 ტაძრის გაქურდვას, არც შ.ს.ს-ში არ ადასტურებენ: "ჩვენი ინფორმაციით გაიქურდა წმინდა გიორგის ტაძრის ეზოში მდებარე მაღაზია, საიდანაც გატანილია საეკლესიო ნივთები და ხატები. გამოძიება 177-ე მუხლის მეორე ნაწილით მიმდინარეობს“, - ამბობენ უწყების პრესსამსახურში.
შუხუთის ეკლესიაში ამ წუთებში ადგილზე იმყოფებიან ექსპერტ კრიმინალისტები და გურიის სამხარეო სამმართველოს წარმომადგენლები. მიმდინარეობს ეკლესიის მომსახურე პერსონალის დაკითხვა.

თეა იოსელიანი - გურია