საგარეო საქმეთა სამინისტროს სპიკერი დავით კერესელიძე მიიჩნევს, რომ უკრაინის ელჩის უწყებაში დაბარებით აჟიოტაჟი არ უნდა შეიქმნას.

როგორც კერესელიძემ ორშაბათის ტრადიციულ ბრიფინგზე განაცხადა, ამ ფაქტში გასაკვირის არაფერია.

„უკრაინა არის ჩვენი სტრატეგიული პარტნიორი. ეს არის უმნიშვნელოვანესი ქვეყანა, რომელთანაც გვაქვს და გვექნება მეგობრული ურთიერთობა. დღეს უკრაინაში რთული ვითარებაა, ქვეყანა ძალიან რთულ მდგომარეობაში, ამიტომ მის გვერდით ყოფნა უპირველესის. რაც არ უნდა მოხდეს პარტნიორობას და კეთილმეზობლობას უკრაინასთან ხელს არაფერი შეუშლის, არც ბოლოდროინდელი დანიშვნა. თუმცა გასაკვირი იყო მიხეილ სააკაშვილის უკრაინის პრეზიდენტის მრჩევლად დანიშვნა. რაც შეეხება ელჩის დაბარებას, ამას დაბარებას არ დავარქმევდი. ელჩი არის სახელმწიფოს წარმომადგენელი სხვა ქვეყანაში და ასეთი ურთიერთობა ხშირად არის, როდესაც ბევრ საკითხზე სასაუბროდ ხდება ელჩის მოწვევა“, - განაცხადა კერესელიძემ.