გიორგი ვაშაძის შეთავაზება ბიძინა ივანიშვილს

პოლიტიკა - 20:41, 15 Feb, 2015

5508

,,ნაციონალური მოძრაობის“ ერთ-ერთი ლიდერი გიორგი ვაშაძე ექსპრემიერის ინტერვიუს ეხმაურება და ბიძინა ივანიშვილს გამოსავალს სთავაზობს.

,,ბიძინა ივანიშვილმა ,,კვირის პალიტრასთან" 14 თებერვალს მიცემულ ინტერვიუში განაცხადა: “შემცირდა ტურიზმი. ამას ორი მიზეზი აქვს. ერთი ობიექტური, როდესაც მიდის ეკონომიკური დაღმასვლა და რეგიონში და ეს საერთოდ ამცირებს ტურიზმს და მე ვფიქრობ, რომ გარკვეული შეცდომები იყო დაშვებული საგარეო საქმეთა სამინისტროდან, როდესაც აბსოლუტურად გაუაზრებლად ძალიან ბევრ ქვეყანასთან გაამკაცრეს სავიზო რეჟიმი. შეიძლება ჩემი წვლილიც იყოს ამ შეცდომაში, ეს ჩემ დროს თუ დაიწყო, არ დამიკონკრეტებია როდის მოახერხეს, მაგრამ საგარეო საქმეთა სამინისტროს გაკეთებულია და მე ვფიქრობ, აქაც გარკვეული გადაცდომები იყო გაკეთებული".

,,თუ მართლა ესეა და ფიქრობთ, რომ არასწორი იყო სავიზო რეჟიმის გამკაცრება შემოთავაზება მაქვს: დაუყოვნებლივ დავაბრუნოთ ძველი სისტემა!

ეს შეიძლება ერთ კვირაში გაკეთდეს! მომავალ სასესიო კვირაში ინიცირება კანონის და დაუყოვნრბლივ დაბრუნება ცვლილებებამდე არსებული სტანდარტის.

ყოველი დაკარგული დღე დაკარგული შემოსავალია საქართველოსთვის. მხოლოდ გასულ წელს დაახლოებით 400 მილიონი დავკარგეთ ამ მავნებლური ცვლილების გამო!

ისე ვიღაცამ პასუხი ხომ უნდა აგოს მსგავსი მავნებლობებისთვის!"-აცხადებს სქართველოს პარლამენტის წევრი გიორგი ვაშაძე .