”თავისუფალი დემოკრატების”ერთ-ერთი ლიდერი ალექსი პეტრიაშვილი ნინო ბურჯანაძის განცხადებას გამოეხმაურა, იმასთან დაკავშირებით, რომ „რესპუბლიკური პარტია“ და „თავისუფალი დემოკრატები“ „ნაციონალურ მოძრაობასთან“ კოაბიტაციის პროცესში თავს კომფორტულად გრძნობდნენ, ხოლო ალექსი პეტრიაშვილი პატრულის ყოფილ ღირსებას მისტირის.

”მე შეიძლება იურისტი არ ვარ მაგრამ პროფესიით დიპლომატი ვარ და ყველა სიტყვის ფასი და მნიშვნელობა ვიცი, ერთ-ერთი მიღწევა რომელიც ნაციონალებს ქონდათ ეს იყო პატრულის რეფორმა, გაი-ს წარსულიდან გათავისუფლება, რომელშიც სერიოზული ძალისხმევა ამჟამინდელი კოალიციის დეფაქტო ლიდერს ბიძინა ივანიშვილსაც მიუძღვის, მე პატრულის ღირსებას კი არ მივსტირი, არამედ ვამბობ რომ ეს იყო ნამდვილად წარმატებული პროექტი და რეფორმა.

კომფორტულობას რაც შეეხება, ქალბატონი ნინო კარგად იცნობს ჩვენი პარტიის ერთ-ერთ ლიდერს ზურაბ აბაშიძეს, 2010 წელს ზურაბ აბაშიძე ნაციონალური მოძრაობის ზონდერებმა და პოლიციის თანამშრომლებმა, რომელთაგან რამდენიმე ახლაც მუშაობს შსს-ში, სიკვდილამდე მიიყვანეს ისე ცემეს, ცოტა გაუგებარია, როდესაც ამას 7 ნოემბრის დედა-დედოფალი ამბობს. ჩვენ ნამდვილად ვწუხვართ, რომ საქართველოს აღარ ჰყავს ლევან მიქელაძე, რომელიც 7 ნოემბერს გადადგა და კარგად გვახსოვს ქალბატონი ნინო, მე ასევე მახსოვს კარგად ნულოვანი ტოლერანტობის განცხადებების დროს ქალბატონ ნინოს არ ჰქონდა დისკომფორტი იმ პერიოდში, იმ პოლიტიკური ძალის“ -განაცხადა ალექსი პეტრიაშვილმა პირველი არხის ეთერში თოქ-შოუ "პირველი სტუდია" -ში სტუმრობის დროს.