,,კანონიერი ქურდები“ და საქართველოს ხელისუფლება - ვინ მფარველობს ლავას-ოღლის დაჯგუფებას?

პოლიტიკა - 13:45, 15 Feb, 2015

17931

რა კავშირი აქვს საქართველოს ხელისუფლებას ე.წ. კანონიერი ქურდების ერთ-ერთი წარმომადგენლის ლავას ოღლის დაჯგუფებასთან და ვინ მფარველობს უშუალოდ მათ. ამ თემას ეხებოდა გადაცემა "განხვავებული აქცენტები“, რომელზედაც რეაგირება მალევ მოახდინა შს სამინისტრომ და სიუჟეტში გასულ მასალებს სიცრუე და მონაჭორი უწოდა. გადაცემაში საუბარი იყო გასული წლის დეკემბრის ბოლოს ბათუმში, კლუბ „ლეგასში“ 22 წლის პოლიციელის თარაშ მუკბანიანის მკვლელობაზე. ამ დანაშაულისათვის ბრალდებული მოჭიდავე რამაზ დევაძეა, რომელმაც გავრცელებული ინფომრაციით მკვლელობიდან რამდენიმე საათში სარფში სახელმწიფო საზღვარი გადაკვეთა და ის ნეიტრალურ ზონაში კრიმინალური პოლიციის თანამშრომლებმა დააკავეს, თუმცა ამ ფაქტს ადვოკატი არ ადასტურებს.

,,ჩემი ინფორმაციით დევაძემ საზღვრის გადაკვეთა მოახერხა და რომ არა აჭარელი პოლიციელების გამბედაობა, თავისუფლად გადაადგილდებოდნენ შემდეგ მეზობელი სახელმწიფოს ტერიტორიაზე და თავს დააღწევდა მართლმსაჯულებას. დაინტერსდა ვინმე, როგორ გადაკვეთა ამ ბატონმა საზღვარი, დანაშაულიდან საათი-საათნახევრის შემდეგ, როცა ყველასთვის ცნობილი იყო იმ მომენტში, თუ ვინ ესროლა მუკბანიანს“ - აცხადებს ,,სამართალდამცავთა დაცვის ლიგის“ ხელმძღვანელი ზაზა ჭაია.

დევაძის ადვოკატი პაატა შავაძე უარყოფს მისი დაცვის ქვეშ მყოფის ნეტრალურ ზონაში გადასვლის ფაქტს. ,,არანაირ ნეიტრალურ ზონაში არ გადასულა დ ამას ჩვენ დოკუმენტურად დავადასტურებთ, ის ჩვეულებრივ, როგორც რიგითი მოქალაქე, დაკავებულ იქნა რიგში მდგომი, პასპორტით ხელში, როცა ის აპირებდა სულ რამდენიმე საათით ქემალ-ბაშაში“ - აცხადებს ადტვოკატი.

გადაცემაში აქცენტი დევაძესა და ე.წ. კანონიერი ქურდის მინდია გორაძის ურთიერთობაზე გაკეთდა. დევაძე იმ მოჭიდავეთა ჯგუფის წევრია, რომელიც ლავას-ოღლიმ აჭარაში შექმნა. რესპოდენტები ლავას-ოღლის ხელისუფლებასთან კავშირებზე საუბრობენ.