საპარლამენტო უმრავლესობის წევრი ზვიად კვაჭანტირაძე, მერიის მუშაობას აკრიტიკებს და აცხადებს, რომ დედაქალაქის ხელისუფლების დაპირების მიუხედავად მიწისქვეშა გადასასვლელები კვლავ მოუწესრიგებელია:

„10 დღეც გავიდა და 20-იც.... დღეს მომიხდა რუსთაველზე მიწისქვეშა გადასასვლელით სარგებლობა. გერმანელი სტუმრები მახლდნენ. შემრცხვა. თითქოს აქ დრო გაჩერდა... მერის ეს დავალება გამახსენდა.... ვფიქრობ, რომ კალენდარზე ფურცლების მოხევა სავალდებულო უნდა გახდეს ჩინოვნიკებისთვის...“- წერს კვაჭანტირაძე ფეისბუკში.

შეგახსენებთ, დედაქალაქში არსებული მიწისქვეშა გადასასვლელები შპს “უძრავი ქონება - თბილისის” დაქვემდებარებაში გადავიდა და თბილისი მერმა დავით ნარმანიამ კომპანიის ხელმძღვანელობას მიწისქვეშა გადასასვლელების დასუფთავებისთვის 10 დღიანი ვადა მიცა..