ბიზნესმენ ლევან ვასაძეს ზურაბ ჟვანიას გარდაცვალებასთან დაკავშირებით გავრცელებული ოფიციალური ვერსიის არ სჯერა.

ამის შესახებ ვასაძემ გადაცემა „რეაქციაში“ განაცხადა.

„არ მჯერა ოფიციალური ვერსიის. თავიდანვე ბევრი ეჭვი არსებობდა ამ საქმის გარშემო. საეჭვი იყო ის ფაქტი, რომ დილის 6 საათზე იმ დროინდელი შინაგან საქმეთა მინისტრის გამოვარდნა და თქმა, რომ უბედური შემთხვევა მოხდა. როდესაც ქვეყანაში პრემიერი იღუპება, ცხედარი გაციებული არ არის, გამოდიხარ და ამბობ, რომ უბედური შემთვევაა, ეს ცოტა საეჭვოა. უტყუარი კოვზირი ჩემთვის არის FBI-ის დასკვნა სადაც წერია, რომ გარდაცვლილები გაზით ვერ მოიწამლებოდნენ. შემდეგ ეს დასკვნა წინა ხელისუფლებამ ისე გადმოთარგმნა, როგორც აწყობდა. სააკაშვილის მთავრობამ ყველაფერი დაიხია და იძახდა, რომ ზურა შემთხვევით იყო დაღუპული. თუ დამტკიცდა, რომ ის მოკლულია ჩრდილი მიადგება იმ ხალხს ვინც ამ ვერსიას უარყოფდა“, - განაცხადა ვასაძემ.