თავდაცვის მინისტრი რამდენიმე პოლიტიკურ ძალას და ექსპერტებს მისი უწყების წინააღმდეგ ერთობლივ მოქმედებაში ადანაშაულებს.

ამის შესახებ მინდია ჯანელიძემ „მაესტროს ცხრიანში“ სტუმრობისას განაცხადა.

მისი თქმით, ამ პოლიტიკურ ძალებს შეიარაღებულ ძალებში მიმდინარე პროცესები აშფოთებთ.

„გამოკვეთილია რამდენიმე პოლიტიკური ძალა და ექსპერტი, რომლებიც საეჭვოდ სინქრონულად მოქმედებენ თავდაცვის უწყების წინააღმდეგ. არ არის მნიშვნელოვანი ვინ არიან ისინი, თავად ფაქტი და ტენდენციაა უარყოფითი. ჯარი არის დეპოლიტიზებული და მისი პოლიტიკაში ჩართვის მცდელობა არის უკან გადადგმული ნაბიჯი შეიარაღებული ძალების შენების პროცესში“, - განაცხადა მინდია ჯანელიძემ.