დეპუტატი ზაქარია ქუცნაშვილი ადასტურებს, რომ უმრავლესობაში განხეთქილებაა და ამას 19 დეპუტატის წერილიც ადასტურებს.

ამის შესახებ ქუცნაშვილმა კოალიციის ოფისში მისვლისას განაცხადა, სადაც ფრაქცია „ქართული ოცნების“ სხდომა მიმდინარეობს.

მისი თქმით, ამ დეპუტატებთან უზენაესი სასამართლოს თავმჯდომარის კანდიდატურის კრიტერიუმები არავის შეუთანხმებია.

„პრობლემის წყარო და სათავე არის ის ხალხი, რომელიც ასე შეუთანხმებლად და არაკორდინირებულად იქცევა. არავის არავის თანამდებობა არ სწადია. „მშიშარა დეპუტატები, შეუთანხმებლად მიღებული გადაწყვეტილებები, განხილვის გარეშე ჩამოყალიბებული პოზიცია - ეს არ არის დემოკრატია,“ - განაცხადა ქუცნაშვილმა.