ლეონიდ ჩერნოვეცკი : საქართველო ძალიან უსაფრთხო ქვეყანაა, ის უსაფრთხო ქვეყნების ხუთეულში შედის

პოლიტიკა - 13:16, 13 Feb, 2015

1881

კიევის ყოფილმა მერმა, მილიარდელმა ლეონიდ ჩერნოვეცკიმ ვრცელი ინტერვიუ მისცა უკრაინის პირველ არხს სადაც ვრცლად ისაუბრა საქართველოში მისი ცხოვრების შესახებ.

,,საქართველო მსოფლიოს ყველაზე უსაფრთხო ქვეყნების ხუთეულში შედის. შემიძლია თავს უფლება მივცე და ვიცხოვრო დაცვის გარეშე. ძალიან ვიყავი დაღლილი იმ მდგომარეობისგან, რომ მუდმივ უკან დამყვებოდა იარაღიანი ხალხი, ან მთელი პოლიციელების ჯგუფი. ხშირად ვფიქრობდი ამ თემაზე. მუდმივ დაცვის ქვეშ ვიმყოფებოდი, საერთოდ არ მქონდა თავისუფალი ცხოვრება..

აქ რათქმაუნდა ასე არ არის. მე თავისუფლად გადავაადგილდები ნებისმიერ ადგილას. შემიძლია ვიმყოფებოდე მთებში, ვიმყოფებოდე ქალაქში. შემიძლია უბრალოდ ვისეირნო ქობულეთში ან თბილისში და არავინ მჭირდება. უბრალოდ ვსეირნობ ჩემს მეუღლესთან ერთად , ვსაუბრობთ ცხოვრებაზე და ზუსტად ვიცი, რომ არავინ დამესხმება თავს და არ გამძარცვავს” აცხადებს ჩერნოვეცკი.

შეგახსნებთ რომ კიევის ყოფილი მერი ლეონიდ ჩერნოვეცკი რომელიც ორჯერ იქნა არჩეული კიევის მერად და წარმოადგენს უკრაინის ერთ ერთ ყველაზე წარმატებულ ბიზნესმენს და არის უკრაინის მასშტაბით ერთ ერთი ყველაზე ცნობადი ადამიანი, ქობულეთში ცხოვრობს.

ჩერნოვეცკიმ საქართველოში გადმოსვლის პირველივე ეტაპზე დაარსა საქველმოქმქედო ფონდი ,,სოციალური პარნტნიორობა”, რომელიც აქტიურად ანხორციელებს სხვადასხვა სახის საქველემოქედო საქმიანობას საქართველოში. ჩერნოვეცკის ფონდმა დაარსების დღიდან ქველქმოემედებაზე საქართველოში დახარჯა 3 მილიონ ლარზე მეტი.

ჩერნოვეცკის ფონდი აწარმოებს ყველაზე დიდ შინმოვლის პროგრამას საქართველოში, რომლის ფარგლებშიც ყოველდღიურად 500 საწოლს მიჯაჭვული მოხუცი იღებს ექთნის უფასო მომსახურებას, უფასო მედიკამენტებს და საკვებს.

მისი ფონდი ფლობს თბილისში უმაღლესი სტანდარტების დონის საოჯახო ტიპის ბავშთა სახლს. ფონდი ასევე ეხმარება მრავალშვილიან ოჯახებს.

ჩერნოვეცკის ფონდმა 23 ნოემბერს ქობულეთში გახსნა გენერალ გიორგი მაზნიაშვილის სახელობის პანსიონი, სადაც ცხოვრობენ ბავშვები სოციალურად დაუცველი ოჯახებიდან. ისინი იღებენ დამატებით განათლებას და არიან სრულიად უზრუნველყოფილნი ყოველდღიური საჭიროებებით