ზურაბ ჟვანიას ძმის გოგლა ჟვანიას თქმით, მის ძმას პირად ცხოვრებასთან დაკავშირებული რაიმე საიდუმლო არ ჰქონია.

ამის შესახებ ჟვანიამ „ტაბულას“ ეთერში სტუმრობისას განაცხადა.

მისი თქმით, „ნაციონალურ მოძრაობას“ საზოგადოებაში სურს დანერგოს აზრი, რომ ზურაბ ჟვანიას ცხოვრებაში რაღაც საიდუმლო არსებობს.

„არანაირი საიდუმლოებები ზურას ცხოვრებაში არ არსებობდა. არ დაგავიწყდეთ, რომ ზურას ძმა ვარ. ჩვენ, ვინც ვსაუბრობთ ზურას სიკვდილის გარემოებებზე, მისი ოჯახის წევრები, უახლოესი ადამიანები ვართ, რომლებიც მის გვერდით ცხოვრობდნენ და ჩვენ ყველზე უკეთ ვიცით, შეიძლება თუ არა ყოფილიყო რაიმე საიდუმლო“, - განაცხადა ჟვანიამ.

წამყვანის კითხვაზე, თუ ჰიპოთეტურად დაუშვებდა, რომ ჰომოსექსუალი ძმა ჰყავდა, ჩათვლიდან თუ არა მას ბინძურად, დეპუტატმა უპასუხა: „კი, ეს იქნებოდა ჩვენი ოჯახის უბედურება, მაგრამ ამას ადგილი არ აქვს".