ანალიტიკური სააგენტოს „დემოკრატიული ჟანგბადის“ ინოვაციურ პროექტს ექსპერტი ხათუნა ლაგაზიძე გამოეხმაურა.

ლაგაზიძე ერთ-ერთია იმ ექსპერტებს შორის, რომლის ბიოგრაფიითაც ახალი სააგენტო დაინტერესდა.

თავად ექსპერტი მიიჩნევს, რომ მსგავსი ანალიტიკური სააგენტოს შექმნა ხელისუფლების მხრიდან განსხვავებული აზრის მქონე ადამიანების ლაფში ამოსვრას ეფუძნება.

„არ მინდა ეს ახალგაზრდები მათი ინტელექტითა და კვალიფიკაციით გამოიყენონ პოლიტიკური ბრძოლის იარაღად, არადა მსგავსება ძალიან დიდია, მაშინ ხელისუფლებას უნდა ჰყოფნოდა წინდახედულება და წინასწარ არ უნდა დაეანონსებინა ეს ჯვაროსნული ომი ექსპერტების წინააღმდეგ. ხელისუფლება შეეცდება ლაფში ამოსვაროს განსხვავებული აზრის მატარებელი ადამიანები“, - განაცხადა ხათუნა ლაგაზიძემ.

ლაგაზიძის გარდა ორგანიზაცია თორნიკე შარაშენიძითაც დაინტერესდა, ამის შესახებ ექსპრტმა საკუთარ ,,ფეისბუქის" გვერდზე დაწერა და საკუთარი სივიც იქვე ინგლისურენაზე განათავსა.

ყოფილი პრემიერის ჩანაფიქრს ხედავს ახალი ორგანიზაციის საქმიანობაში ექსპერტი სოსო ცისკარიშვილი. მისთვის მიუღებელია კრიტერიუმები, რითაც ,,დემოკრატიული ჟანგბადი" ანალიტიკოსების შესაძლებლობების დადგენას გეგმავს, თუმცა აცხდებს, რომ მზად არის პირადად შეხვდეს და მისი ბიოგრაფია გააცნოს.

„დემოკრატიის ჟანგბადი“ ახლად შექმნილი ორგანიზაციაა, რომელიც შეეცდება პოლიტიკოსებისა და ექსპერტების რეიტინგის დადგენას და მათ სავარაუდო კლასიფიკაციას აპირებს. ექსპერტების უმრავლესობამ კვლევითი სააგენტოსგან წერილები მიიღო, რომლის მიხედვითაც ადრესატება უნდა გადაგზავნონ სივი საქმიანობა და გამოცდილების შესახებ ინფორმაცია.

ბიძინა ივანიშვილთან კავშირს უარყოფს თავად ახალი ორგანიზაცია. ანალიტიკური სააგენტო, როგორც თავად წერენ, რუსული "რეგნუმისა" და ამერიკული "პოლიტფაქტის" კომბინაციაა. მისი ხელმძღვანელი, ლევან ჯაში ამტკიცებს, რომ ორგანიზაცია მეგობრების შემოწირულობით ფინანსდება.