შიდა ქართლის სამხედრო პოლიციის უფროსად შიდა ქართლის კუდ-ის უფროსის ყოფილი მოადგილე დავით დავითაშვილი დაინიშნა.

„თავისუფალი დემოკრატების“ ინფორმაციით, დავითაშვილი 2012 წლის არჩევნების წინ „ქართული ოცნების“ აქტივისტებს ავიწროვებდა და კოალიციის აქციების დაშლაშიც იღებდა მონაწილეობას.

„მას ისეთ პერიოდში მოუწია მუშაობა, როდესაც უშუალო დავალებები მოდიოდა ოპოზიციაზე, რომ ყველანარად შეევიწროებინათ. იმ დროს ერთ-ერთი უშუალო რგოლი იმ დროს იყო დავით დავითაშვილი, როგორც გორში ისე რუსთავში. რა ამბავია ატეხილი ამ ზუმბაძესთან და გრიგალაშვილთან დაკავშირებით. მეგონა კადრები უფრო მეტი სიმკაცრით შეირჩეოდა. დღეს მოვიდა ბრძანება მისი დანიშვნის შესახებ, თუმცა არ გამიკვირდება ხვალ დარეკონ და თქვან ბრძანება გაუქმდაო“, - აცხადებს „მაესტროსთან“ საუბარში პარტიის წევრი თამაზ შიოშვილი.

თავდაცვის უწყება დავითაშვილის შიდა ქართლის სამხედრო პოლიციის უფროსად დანიშვნას არ ადასტურებს.