საქართველოს საგარეო საქმეთა მინისტრი თამარ ბერუჩაშვილი საქართველოში გაეროს განვითარების პროგრამის კოორდინატორს ნილს სკოტს შეხვდა.

შეხვედრაზე მხარეებმა განიხილეს თანამშრომლობის აქტუალური საკითხები. მინისტრმა დადებითად შეაფასა საქართველოში გაერო-ს განვითარების პროგრამის საქმიანობა და მადლიერება გამოხატა ჰუმანიტარული პროექტების განხორციელებისათვის. აღნიშნულ კონტექსტში ხაზი გაესვა აფხაზეთის ოკუპირებულ რეგიონში გაერო-ს განვითარების პროგრამის საქმიანობის მნიშვნელობას, რომელიც მიმართულია ნდობის აღდგენისა და ადგილობრივი მოსახლეობის დახმარებისაკენ.

შეხვედრის დასასრულს მხარეებმა მზადყოფნა გამოთქვეს მომავალში ნაყოფიერი თანამშრომლობის გაგრძელებისთვის.