ქუცნაშვილი თავშეკავება მართებს, თორემ ცხვირს წაიმტვრევს

ქუცნაშვილი თავშეკავება მართებს, თორემ ცხვირს წაიმტვრევს - საგანელიძე

პოლიტიკა - 18:03, 12 Feb, 2015

2323

საპარლამენტო უმრავლესობის ლიდერის, დავით საგანელიძიე ზაქარია ქუცნაშვილის განცხადებას ეხმაურება, სადაც ქუცნაშვილმა განაცხადა, რომ უმრავლესობის ლიდერი თავს უფლებას აძლევს და პრეზიდენტს უმრავლესობის სახელით ესაუბრება.

"პრეზიდენტთან ჩემს მიერ მოლაპარაკებების წარმართვა კოალიციის პოლიტსაბჭოს სხდომაზე გადაწყდა. ამის შემდეგ, რამდენიმე შეხვედრა მქონდა ე.წ. უმრავლესობის ბიუროსთან, რომელსაც ესწრება ყველა ფრაქციის ხელმძღვანელი, მოადგილე, კომიტეტის თავმჯდომარეები და ვიცე-სპიკერები. ყველა დეტალი და ნიუანსი გავიარეთ“, - აცხადებს საგანელიძე.

საგანელიძის თქმით, ზაქარია ქუცნაშვილი ახალგაზრდა კაცია და მას მეტი დაფიქირება, თავშეკავება, გუნდურობა და სიტყვების მოზომვა მართებს, წინააღმდეგ შემთხვევაში, შეიძლება, „ცხოვრებაში ცხვირი წაიმიტვრიოს“.

"ქუცნაშვილს ვუსურვებდი, რომ ის ახალგაზრდა კაცია და მეტი დაფიქირება, თავშეკავება, გუნდურობა და სიტყვების მოზომვა მართებს, იმიტომ, რომ შეიძლება ცხოვრებაში ცხვირი წაიმტვრიოს. არ მინდა, რომ ახალგაზრდა კაცმა, ასეთი შეცდომები დაუშვას. მას ისე უნდა უზენაესი სასამართლოს თავმჯდომარეობა, რომ სურვილმა ზომიერება და ტაქტი დააკარგვინა და ტყუილებიც იკადრა.

ქუცნაშვილი ყოველთვის ცდილობს დამოუკიდებელი თამაში ითამაშოს, მაგრამ რას თამაშობს თვითონაც არ იცის. რაკი ქუცნაშვილმა განცხადება გააკეთა, რომ უზენაესი სასამართლოს თავმჯდომარეობა სურს, კრიტერიუმები მას რომ მოვარგოთ ასე არ გამოვა და არ იქნება მართებული“, - განაცხადა საგანელიძემ.