ფინანსთა მინისტრის თქმით, მიუხედავად იმისა, რომ საქართველოს ეკონომიკური ზრდის პროგნოზი რეგიონში ყველაზე მაღალია, მთავრობას უფრო მეტი ამბიციები და მეტი საჭიროებები აქვს.

ნოდარ ხადურის თქმით, ფინანსთა სამინისტროს და ეკონომიკის სამინისტროს მჭიდრო კომუნიკაცია აქვს ეროვნულ ბანკთან.

"შეთანხმებულები ვართ, რომ მონეტარული და ფისკალური პოლიტიკის განხორციელება უნისონში იყოს იმისთვის, რომ თანმიმდევრული ნაბიჯები გადავდგათ როგორც ჩვენ, ისე ეროვნულმა ბანკმა და ხელი შევუწყოთ მოკლევადიან პერიოდში სტაბილურობას და ინფლაციის თავიდან აცილებას. ჩვენ, ეკონომიკის სამინისტრო, ეროვნული ბანკი, შესაბამისი უწყებები მუშაობს იმისთვის, რათა ეკონომიკური ზრდის პროცესი შეუქცევადი იყოს. მიუხედავად იმისა, რომ ჩვენი პროგნოზი ყველაზე მაღალია რეგიონში, ცხადია, რომ უფრო მეტი ამბიციები გვაქვს ამასთან დაკავშირებით და მეტი საჭიროებებიც", - განაცხადა ხადურმა.