თავდაცვის მინისტრმა მინდია ჯანელიძემ, სამთავრობო სხდომაზე, მის უწყებაში მიმდინარე პროცესებთან დაკავშირებით კომენტარი გააკეთა.

მისივე თქმით, სამინისტროში პროცესები გეგმის მიხედვით მიმდინარეობს და ამ მიმართულებით განსაკუთრებული არაფერი ხდება.

„იყო საკადრო ცვლილებები, მაგრამ ყველა ცვლილებასთან დაკავშირებით შეგვიძლია საზოგადოებასაც განმარტება მივცეთ. შესაბამისად, ჩვენ იმის არგუმენტებიც გვაქვს, რატომ განვახორციელეთ ეს ცვლილებები,“ - განაცხადა მინდია ჯანელიძემ.

ჯანელიძე აქვე აღნიშნავს, რომ საკადრო ცვლილება შეიძლება მომავალშიც განხორციელდეს.

„საკადრო ცვლილება შეიძლება მომავალშიც განხორციელდეს იმისთვის, რომ ის მძიმე მდგომარეობა, რაც სამინისტროში დაგვხვდა, თანდათანობით გამოსწორდეს და მთელი რიგი პრობლემები მოგვარდეს,“ - აღნიშნა ჯანელიძემ