პრემიერ-მინისტრის თქმით, ბოლო პერიოდში თავდაცვის სამინისტროს და მინისტრის წინააღმდეგ მიზანმიმართული კამპანიაა აგორებული.

როგორც ირაკლი ღარიბაშვილმა მთავრობის სხდომაზე განაცხადა, ყველა ვისაც სახელმწიფო ინსტიტუტების დისკრედიტაციის მცდელობა აქვს, დაისჯება.

"ის რაც ბოლო პერიოდში ხდება არის მიზანმიმართული შეტევა სამართალდამცავ ორგანოებზე. თავიდან დაიწყეს პოლიციაზე შეტევით, ახლა კი გადავიდნენ ჯარზე. ეს არის პირდაპირ ანტისახელმწიფოებრივი საქმიანობა. ამას სჭირდება ძალიან კარგი გაანალიზება და სწორი შეფასება როგორც პოლიტიკოსების, ისე საზოგადოების მხრიდან. სახელმწიფო ინსტიტუტების ამგვარი დისკრედიტაცია ყოვლად დაუშვებელია. გამოკვეთილია და სახეზეა ყველა ის პირი ვინც ამას ღიად და დაუფარავად სჩადის. მათ ადრე თუ გვიან გაეცემათ სათანადო პასუხი. ის კამპანია, რაც ააგორეს მინისტრ ჯანელიძის წინააღმდეგ არის ყოვლად დაუშვებელი. ჯარი, პოლიცია და სპეცსამსახურები დღეს არის აბსოლუტურად დეპოლიტიზებული“, - აღნიშნა პრემიერმა.