პრემიერის თქმით, თავდაცვის სამინისტროში წლების განმავლობაში კეზერაშვილისა და ახალაიას კადრების შენახვა-დაწინაურება ხდებოდა.

ამის შესახებ ირაკლი ღარიბაშვილმა მთავრობის სხდომაზე განაცხადა.

მან მინდია ჯანელიძეს მიმართა და აღნიშნა, რომ ამ კადრების წმენდა უწყებაში სწორედ მან დაიწყო.

„წლების განმავლობაში თქვენს უწყებაში არ განხორციელებულა ძირეული ცვლილებები. კეზერაშვილით და ახალაიათ დაწყებული, სხვა მინისტრებით დამთავრებული, მათი კადრების შენახვა-დაწინაურება ხდებოდა წლების განმავლობაში. როცა თქვენ მიხვედით მინისტრად, თქვენ დაიწყეთ ამის ცვლილებები. სწორედ ამიტომ არის ამხელა აგრესია "ნაციონალებისგან" და ჩვენი კოალიციის ყოფილი წევრებისგან", - მიმართა პრემიერმა ჯენლიძეს.