პრემიერ-მინისტრი ირაკლი ღარიბაშვილი მთავრობის ეკონომიკურ გუნდს მოუწოდებს, ლარის კურსთან დაკაშირებით მოსალოდნელი ტენდენციების შესახებ, მოსახლეობას ინფორმაცია მიაწოდოს.

შესაბამისი განცხადება პრემიერმა მთავრობის დღევანდელ სხდომაზე გააკეთა და ფინანსთა ეკონომიკის მინისტრებს მოსახლეობასთან მეტი კომუნიკაცია დაავალა.

"საჭიროა რომ უფრო მეტი კომუნიკაცია გვქონდეს ხალხთან. მოსახლეობას ავუხსნათ ის ტენდეციები, რომელიც მომავალში გამოიკვეთება და წინსწრებად მივაწოდოთ მათ ინფრომაცია. ასე, რომ მოგიწოდებთ ამის თაობაზე", - მიმართა ირაკლი ღარიბაშვილმა ფინანსთა და ეკონომიკის მინისტრებს.

პრემიერი მთავრობის დღევანდელ სხდომაზე ლარის კურსთან დაკავშირებული საკითხებით დაინტერესდა და ეკონომიკისა და ფინანსთა მინისტრებს მიმართა.

„ვიცი, რომ ეროვნულ ბანკთან მჭიდრო კოორდინაციაში ხართ და ვიცი, რომ გუშინ ბანკმა ინტერვენციები უკვე მოახდინა. ის, რაც მსოფლიოში და რეგიონში ხდება, განსაკუთრებით ჩვენს ეკონომიკურ მდგომარეობაზე აისახება. შესაბამისად, მიმდინარე წელი ჩვენც უნდა დავგეგმოთ,“ - განაცხადა პრემიერმა.