ეკონომიკის მინისტრი გიორგი კვირიკაშვილი ქვეყანაში არსებულ ეკონომიკურ მდგომარეობას "დამაიმედებელს" უწოდებს.

მისი თქმით, საქართველოს მთავრობა კონკრეტული მიმართულებებით, კონკრეტულ პროექტებზე მუშაობს, რაც შედეგებს აუცილებლად გამოიღებს.

"ჩვენ ეროვნულ ბანკთან გვქონდა იმ ზომების ერთობლივი განხილვა, რაც გასატარებელია იმისთვის, რომ საგადამხდელო ბალანსის დეფიციტი დაბალანსდეს. უპირველეს ყოვლისა ეს არის ტურიზმი, პირდაპირი ინვესტიციები და ექსპორტის წახალისება, თუმცა ჩვენ გვაქვს სხვა ზომებიც, რომელსაც ვახორციელებთ და კონკრეტული პროექტების მიმართულებით ვმუშაობთ კონკრეტულ რეჟიმში. წლის დასაწყისი ნამდვილად რთული პერიოდია და, გამომდინარე საქართველოს გარშემო ქვეყნებში არსებული რთული ვითარებიდან, ჩვენი ექსპორტის მდგომარეობა არ არის სახარბიელო, მაგრამ ვფიქრობ, რომ სიტუაცია საკმაოდ დამაიმედებელია", - განაცხადა გიორგი კვირიკაშვილმა.

გიორგი კვირიკაშვილმა საუბრისას ასევე აღნიშნა, რომ მთავრობა იფნრასტრუქტურული მიმართულებით, კონკრეტული პროექტების დამატებაზეც მუშაობს, რომელსაც ექნება კონქკრეტული ფექტები და აუცილებლად გამოიღებს შედეგს.