საქართველოში ამერიკის შეერთებული შტატების ელჩი რიჩარდ ნორლანდი ზურაბ ჟვანიას საქმესთან დაკავშირებით ახალ დეტალებს ეხმაურება. მისი თქმით, თხოვნის შემთხვევაში ამერიკული მხარე მზად არის ჟვანიას საქმეში საქართველოს სასამართლო ექსპერტიზის კუთხით დახმარება გაუწიოს.

რაც შეეხება FBI-ის დასკვნას, ნორლანდი ამბობს, რომ დასკვნა საქართველოს მთავრობის მიერ მიწოდებული ინფორმაციის საფუძველზე გაკეთდა.

„FBI-მ დასკვნა იმ ინფორმაციის საფუძველზე გააკეთა, რომელიც საქართველოს მთავრობამ მისთვის ხელმისაწვდომი გახადა. ჩვენ მზად ვართ, საქართველოს თხოვნის შემთხვევაში სასამართლო ექსპერტიზის კუთხით დახმარება გავუწიოთ. თუ საქართველოს მთავრობას ახალი ინფორმაცია აქვს და გამოძიების ფედერალურ ბიუროს მიაწვდის, FBI მზადაა, რომ მასალები გამოიკვლიოს“,- განაცხადა ნორლანდმა.