საქართველოს პრეზიდენტის, საპარლამენტო მდივნის - გიორგი კვერენჩხილაძის განმარტებით, უზენაესი სასამართლოს თავმჯდომარეობის კანდიდატურის საკითხზე პრეზიდენტთან გამართული კონსულტაციებით და კრიტერიუმების შერჩევით, არავითარი კონსტიტუცია არ დარღვეულა.

როგორც კვერენჩხილაძემ ჟურნალისტებს განუცხადა, უმრავლესობის ლიდერს, დავით საგანელიძესა და პრეზიდენტ გიორგი მარგველაშვილს შორის კონსულტაციების მთავარი თემა, კანდიდატის შერჩევის კრიტერიუმების განსაზღვრა იყო.

„კრიტერიუმებთან დაკავშირებით მოსაზრებები მოგვაწოდეს სხვადასხვა პოლიტიკურმა პარტიებმა, ასევე არასამთავრობო ორგანიზაციებმა. ამ პროცესში იყო ჩართული უმრავლესობის ლიდერი დავით საგანელიძეც და ამ ვითარებით კონსტიტუცია არანაირად არ დარღვეულა,“ - განაცხადა კვერენჩხილაძემ.