"გაერთიანებული დემოკორატიული მოძრაობის" თავმჯდომარე ნინო ბურჯანაძე ზურაბ ჟვანიას საქმესთან დაკავშირებით საუბრობს და აცხადებს, რომ ამ საქმეზე გაკეთებული პოლიტიკური შეფასებები უკვე ყოველგვარ ზღვარს გადასხცდა. ბურჯანაძე მიიჩნევს, რომ საჭიროა დასრულდეს ამ საკითხე მსჯელობა და გამოძიებამ დროულად დადოს შედეგები.

"არ მგონია, რომ ამ თემაზე უნდა გაგრძელდეს ეს ზღვარგადასული განხილვები. თუ რამის თავი აქვს პროკურატურას, კარგა ხანია გვეუბნებიან, რომ გახსნილია საქმე, ყველაფერი ნათელია, მაშინ დადონ ეს გამოძიება, თუ არადა, მე ვფიქრობ, რომ ეს საკითხი გავიდა ყველანაირი, არა მარტო პოლიტიკური, არამედ ზნეობრივი და ადამიანური ჩარჩოებიდან," - განაცხადა ნინო ბურჯანაძემ.

შეგახსენებთ, რომ „რუსთავი 2“-ს ანონიმურმა წყარომ მიაწოდა „FBI“-ის დასკვნა, რომელიც ზურაბ ჟვანიას გარდაცვალების საქმეში აღმოჩენილ ახალ გარემოებებს ეხებოდა.