„თავისუფალი დემოკრატების“ ერთ-ერთი ლიდერის, ირაკლი ჩიქოვანის მოსაზრებით თავდაცვის მინისტრი ნატოს ცენტრის საქართველოში განთავსებასთან დაკავშირებით გადაწყვეტილებას შეგნებულად აყოვნებს.

მისი თქმით, აღნიშნულთან დაკავშირებით რეალური მოქმედებაა საჭირო, რასაც ის ვერ ხედავ.

”მაინტერესებს რა ხდება ნატოსთან ინტენსიური პაკეტის აღსრულებასთან დაკავშირებით? პრობლემებია გადაწყვეტილებების მიღების ტემპთან დაკავშირებით. ერთი გადაწყვეტილებაა მისაღები საწვრთნელი ცენტრის ადგილმდებარეობასთან დაკავშირებით, მაგრამ ამ გადაწყვეტილებას ვერ ვხედავ. არ ვიცი, რატომ ჭიანურდება ეს. მინდა მოვისმინო თავდაცვის სამინისტროს წარმომადგენლების პოზიცია, რატომ აყოვნებს მინისტრი გადაწყვეტილებას, მითუმეტეს იმ ფონზე რომ პოლიტიკურად ამ საკითხის ირგვლივ ყველაფერი გადაჭრილია“, - განაცხადა ჩიქოვანმა.